قم مع خويتك .. قم انت وياها ..!!

[نيكوتين]

سلام عليكم


كيف الحال؟؟ <=-=- ان شاء الله تكونو بخير يارب :flo:




اليوم في بالي موضوع جديد .. شفت هالشي قدامي واتخذت القرار اللي شفته مناسب .. قلت أناقشكم في الموضوع ممكن يكون قراري غير مناسب .. المهم انو السالفه ومافيها قبل كم يوم كنت في مجمع تجآإري .. وكنت بالأخص في منطقة المطاعم للعوائل .. شفت وآإحد حركاته تبين ان اللي معاهـ مو من محآإرمه ولاتحمل اسم عيلته ولاشي .. يعني بالعربي الآدمي مطلّع خويته!! .. المهم أنا رحت وبلغت الهيئه اللي كانو موجودين في المجمّع .. يعني لو كآإن الرجآإل في مكآإن منعزل كآإن بكيفه لكن قدآإم الكل .. ويجآإهر باللي يسويه .. قشووهـ هو والبنت ع الجمس .. وبعدين الكل يعرف اش راح يسير .. المهم من وجهة نظركم اش اللي كان المفروض أسويه؟؟




في انتظار وجهات النظر


نينو
:flo:

[نيكوتين]

:UP:
:UP:
:UP:
:UP:
:UP:

[معـ كلي ـاني]

هلا بنينو ...

والله وطلعت دبوس المدير .. ;hha: < قديم
والله من رآيي زين ما سويت ,, ياخي خرآب وعيني عينك ,, ! ما تصير ;hha:
بيني وبينك تصرف عليمي وواحد قدها ;hha::flo: ..

:

جت ببالي شغلة الستر ع البنت واهلها .. !
بس لو اهتمت لهالشي ما كآنت سوت الي سوته ,, ! واذا هي ما اهتمت حنا بنهتم عنها ؟ ;hha:

سلمت نينو :flo:

[نيكوتين]

بس في الأخير راح تنسئل ياقلبي عن كل شي .. ليش سكت عن الغلط؟؟ .. والوآإحد يحسب حسآإبه لهالشي هذا

[تركــــوااز]

قسم بالله مالك داعي


تخيل انك محله ..!!؟

[نيكوتين]

مالي داعي؟؟ // لو أختك اللي مكان البنت ترضى؟؟

[يابعد عيني والله]

عين العقل وربي
نينو الله يجزاك خير ع قد نيتك
هذا يعتبر من انكار المنكر
انت انكرته بقلبك بعدين بللسانك لما خبرت
وع ستر البنت بيقولون انك غلطان لا اذا هي ماسترت حالها من الاول خلف الله
صحيح فعلك كان قوي وجريء بس عين العقل وربي تسلم يابطل الله يكثر من أمثالك اللهم استر علينا وعليهم
أتمنى مشاركتي تأدي الواجب اللازم

[تركــــوااز]

مالي داعي؟؟ // لو أختك اللي مكان البنت ترضى؟؟


حياك اخوي نيكوتين ..

اول شيء الامور ماتنقاس بهذي الطريقه

بعدين انتا حطيتني بمحل اخو البنت ... روح اسأل اخو البنت اذا كان راضي على الحركه الي سويتها
ولا مو راضـــي .. اكيد ماراح يكون راضي لانك انتا فضحت اخته وانتا عارف الهيئه عندنا مشاء الله
مايصدقون خبر .. الا ويجرون ابوها واخوها وامها والعائله الكريمه كلها


وهذا راح يكون بصمة عاار على العائله وراح يعنسوا البنات عند ابوهم .. وانت السبب
ويمكن ابوها تجيه جلطه ولا ارتفاع بالضغط ولا ارتفاع السكر ويروح فيها .. وانت السبب
ويمكن اخوها او ابوها يذبحها ... او يضربها وتروح فيها .. وانت السبب

تلقى اخوها الي انتا حطيتني محله يدعي عليك ليل نهار .. عشان يمكن انتا تكون سبب
بتدمير سمعة عائله

وانتا عارف السمعه عندنا بالسعوديه ايش تسوى ...!!


واذا كان قصدكم تبريء ذمتك امام الله انا اعتبره مو سبب مقنع


سألتك بالله ..

عمرك بلغت عن واحد قاطع اشاره ... والعلماء اتفقوا ان قطع الاشاره حرام
عمرك بلغت عن واحد يفحط ... والعلماء اتفقوا ان التفحيط حرام
عمرك بلغت عن واحد سكــــران ... ولا محشش ..؟؟

يعني هذولي ماراح تسأل عنهم ... وراح تسأل عن الولد والبنت الي شفتهم بس ..!!

وانا اتوقع لو كنت مقتنع بالشيء الي سويته ..
ما استشرتنا هنا بالمنتدى هل هو صح او خطأ ..!


اتمنى ان مداخلتي ماتزعجك .. بس القسم هنا للحوار
وكل واحد يقول الي بخاطره

ومشكور على تقبل مداخلتي سلفا

[فمـ الجرح ـآآن$r]

اخوي نيكوتين..
اللي سويته عين العقل..
والله يعطيك على قدر نيتك..
:flo:

اول شيء الامور ماتنقاس بهذي الطريقه

بعدين انتا حطيتني بمحل اخو البنت ... روح اسأل اخو البنت اذا كان راضي على الحركه الي سويتها
ولا مو راضـــي .. اكيد ماراح يكون راضي لانك انتا فضحت اخته وانتا عارف الهيئه عندنا مشاء الله
مايصدقون خبر .. الا ويجرون ابوها واخوها وامها والعائله الكريمه كلها


..اجل اخوها بيرضى تطلع مع شاب ..
ما رآآح ينفضح..ابدن بهالوضع..
..والهيئه ما يصدقون يلقون بنت عشان يفضحونها..

وهذا راح يكون بصمة عاار على العائله وراح يعنسوا البنات عند ابوهم .. وانت السبب

يعني البنت تفقد شرفها عادي<<واتوقع هذا مصير اي بنت تطلع مع شاب
لكن لما ينقذها احد من هالضياع اللي هي فيه..
رآآح تعنس

تلقى اخوها الي انتا حطيتني محله يدعي عليك ليل نهار .. عشان يمكن انتا تكون سبب
بتدمير سمعة عائله

مآآ عمري شفت شخص بكل قواه العقليه يدعي على احد انقذ شرف وسمعه اخته من الدمآر

ويمكن ابوها تجيه جلطه ولا ارتفاع بالضغط ولا ارتفاع السكر ويروح فيها .. وانت السبب

تجيه جلطه بسبب ان بنته طلعت مع شاب
احسن من انه يفقد حياته بسبب ان بنته غلطت مع شاب<<والا اظن انه طلعه البنت
معه وراها قصد شريف ابداً.


واذا كان قصدكم تبريء ذمتك امام الله انا اعتبره مو سبب مقنع



وليه مو سبب مقنع مو رسول الله قال( من رئى من منكر فليغيره بيده فأن لم يستطع فبلسانه فأن لم يستطع فبقلبه وذلك اضغف الايماآآن)
والامر بالمعروف والنهي عن المنكر من واجبات المسلم..


سألتك بالله ..

عمرك بلغت عن واحد قاطع اشاره ... والعلماء اتفقوا ان قطع الاشاره حرام
عمرك بلغت عن واحد يفحط ... والعلماء اتفقوا ان التفحيط حرام
عمرك بلغت عن واحد سكــــران ... ولا محشش ..؟؟


تقارن هالاشياء
بشئ عظيم مثل طلعه البنت مع الشاب
اجل لا شفت واحد يسمع اغاني بروح ابلغ عنه <<مو الاغاني حرام ;hha:
فيه فرق كبيييييير ×_×
الله قال بنص صريح..(ولا تقربوا الزنا انه كان فاحشة وساء سبيلا..)
وهذا يعتبر من اقتراب الزنا..

التفحيط وقطع الاشاره..اشياء اختلفو عليها العلماء
اما السكران عاد هذا اكيد بيتبلغ عنه..


تركوآآز..
اتوقع انك فيك نوم او انك فيك نوم
والا احد عاقل يقول هالكلام..;hha:
مع احترامي لوجهه نظرك ;hha:
:flo:

ومشكووور اخوي
نيكوتين ع طرحك الرائع..

:flo:

[نيكوتين]

اول شيء الامور ماتنقاس بهذي الطريقه



أنت ماخليت مقياس غير كذا




وهذا راح يكون بصمة عاار على العائله وراح يعنسوا البنات عند ابوهم .. وانت السبب
ويمكن ابوها تجيه جلطه ولا ارتفاع بالضغط ولا ارتفاع السكر ويروح فيها .. وانت السبب
ويمكن اخوها او ابوها يذبحها ... او يضربها وتروح فيها .. وانت السبب



دامه مارباها يتحمل .. وهي تتحمّل



تلقى اخوها الي انتا حطيتني محله يدعي عليك ليل نهار .. عشان يمكن انتا تكون سبب
بتدمير سمعة عائله



لو دعى من اليوم لبكرهـ ماراح يهمني أولاً .. وثانياً ما أعتقدر ربي بيستجيب دعوهـ دُعيَت على انسان أنكر منكر



وانتا عارف السمعه عندنا بالسعوديه ايش تسوى ...!!



في كل مكان السمعه من ذهب مو بس هنآإ



واذا كان قصدكم تبريء ذمتك امام الله انا اعتبره مو سبب مقنع



يعني اش السبب المقنع من وجهة نظرك حبيبي؟؟ .. أنت كذا توجه اصبع الإتهام لي



سألتك بالله ..

عمرك بلغت عن واحد قاطع اشاره ... والعلماء اتفقوا ان قطع الاشاره حرام
عمرك بلغت عن واحد يفحط ... والعلماء اتفقوا ان التفحيط حرام
عمرك بلغت عن واحد سكــــران ... ولا محشش ..؟؟



عن السكر وقد بلغت عن التفحيط وقد بلغت .. وعن قطع الإشارهـ لو أبلغ ماراح يسوون شي يعني مثلا بيرسلون فورد ولا لومينا من القسم الين عند الإشارهـ ولا حيسجل مخالفه على شي ماشافه؟؟



يعني هذولي ماراح تسأل عنهم ... وراح تسأل عن الولد والبنت الي شفتهم بس ..!!



أنت كذا جاوبت عني قبل ما أجاوب وإجابتك اللي على لساني غلط



وانا اتوقع لو كنت مقتنع بالشيء الي سويته ..
ما استشرتنا هنا بالمنتدى هل هو صح او خطأ ..!



الكل فهم الموضوع غلط .. أنا مو جآإي أستشير .. أنا أسئلك انت وجهة نظرك .. اش كنت راح تسوي يا فاهم ياعاقل يامسلم



اتمنى ان مداخلتي ماتزعجك .. بس القسم هنا للحوار
وكل واحد يقول الي بخاطره

ومشكور على تقبل مداخلتي سلفا



بالعكس حبيب قلبي اختلاف الرأي لايعني أنني لا أتقبل رأيك أو وجهة نظرك وأنا أتفهم وجهة نظرك للسكوت عن المنكر .. النقاش رأي ورأيٌ آآخر



ومضه: أخوي فواز اذا منظارك للحياهـ سيء فلكل شخص منظارهـ الخاص

في انتظار مرورك وتعقيبك على الكلآإم

[نيكوتين]

وليه مو سبب مقنع مو رسول الله قال( من رئى من منكر فليغيره بيده فأن لم يستطع فبلسانه فأن لم يستطع فبقلبه وذلك اضغف الايماآآن)
والامر بالمعروف والنهي عن المنكر من واجبات المسلم..



فمان الجرح .. أول شي الف شكر لمرورك ولتعقيبك على كلام الأخ تركواز .. لكن الأخ تركواز يوجه اصبع الإتهام لي .. فأنا أنتظر رجعته عشان يبين لي سبب مقنع يخليني أبلغ غير انكار المنكر


فمان الجرح / :flo:

[نيكوتين]

فديت عيونه ×,× جوري


الف شكر لمروركم وتعقيبكم على كلآإمي


فديت عيونه // :flo:
جوري // :flo:

[ساحر الأنظار]

انا مع تركواز في كلامه

[شموٍخ آنسآن]

مع تركوآآز بـ كل شيء قآله :flo:
الهيئه عندنا تدور على الفضآيح بـ مجهر ;hha:
يعني لو انت مطلع وحدهـ ترضى يصير لك هالشيء,,,,؟:ak:

بإختصآآر ::)
ح’ـــركــه م’ـآلهآ دآآع’ـــي

(B)

[نيكوتين]

أجل مايحتاج أعيد كلامي معاكم .. روحوا لآخر رد في الصفحه الأولى وتعرفو ردي عليكم

[تركــــوااز]

سفر بن عبدالرحمن الحوالي


والأمر الآخر أن الهدف في حال الكشف أو الستر: هو تحقيق مسألة الإيمان والدين، فالمرء قد يخطئ، والإنسان قد يهفو، وهو رجل صالح فاضل، فيختلي بامرأة لا تحل له، فهذا الستر عليه أولى مع الموعظة والنصح، ومع متابعة النصيحة بعد ذلك، فالستر عليه منك أولى، لكن لا تتركه على منكر، بل تنبهه إلى ذلك وتستر عليه، أما فاجر مجاهر معروف بالفجور فالحال معه يختلف.


هذا الكلام الي فوق مو كلامي
كلام الشيخ سفر بن عبد الرحمن الحوالي
وارجع لموقع صيد الفوائد لكي تشاهد المقال كاملاً


على العموم اذا لم تجد مرونه في الحوار
وكل شخص يتشبث بما قال لن ينفع الحوار مهما طال .. وربما يصبح بيئه للخلاف ولتوسيع المساحات بين الاعضاء ..

وتكون النتائج عكسية في باقي الاقسام


على اي حال
سأترك لك ولمن وافقت افكاره افكارك
الصفحه الاخير بيضاء ناصعه
لتعقب كيفما تريد .. ولن اعقب بعد ذلك

لا اعلان للانسحاب لاننا ليسوا في معركه
ولكن لاننا ندور في حلقه مفرغه لاجدوا
من كثر الكلام فيها


كل التحايا لجميع من شارك.. مؤيد لي او معارض ..!

[عازف المستحيل]

هلا نينو



المهم أنا رحت وبلغت الهيئه اللي كانو موجودين في المجمّع



نذالة ما بعدها نذالة



و لا تسألني ممكن تكون اختك لأن اختي مربينها صح

هذي لو طلعت السوق و هي لابسة ماحد جاها


و اما الغلط و تسكت عليه


مو كل شيء تشوفه تبلغ عنه


يعني الهيئة الله يهديهم عليهم تعامل صعب

تصير مشاكل اكبر من اللي كانت اول


انا اشوف انه عين الغلط


طيب ابسألك سؤال

الحين وش اكبر ذنب تطلع خويتك في السوق

و الا ما تصلي ؟؟

اكيد الصلاة لأنك اذا ما صليت كافر


صح


طيب


ليش ما تبلغ على اللي ما يصلون وهم وااااااااااااااجد في السوق ؟؟؟


ليش تسكت عن الغلط وهو قدامك؟؟



مع خالص تحياتي لك

عازف

[βąЪỷ ƒẫ๔é]

مع سليمان في كل كلمة قالها ,, مو كل شيء نشوفه نبلغ عنه


وابو داحم وضح لكـ اكثر ,, يعني لو فيه احد ما صلى من باب اولى انكـ تطارد وراه وتبلغ عنه



::


:flo:

[نيكوتين]

أطارد ورا واحد ماصلى؟؟ .. طيب الهيئه جالسه تدور في السوق وقت الصلاه وتشوف مين اللي ماصلى

وبعدين يادحوم .. انزين انت تناقض نفسك تقول المفروض ما أبلغ وهي طلعت السوق ماسترت نفسها <=-=- هذا كلآإمك .. يومها ماسترت نفسها ليش أسترها أنا؟؟


كآإكآإ .. مرورك والكلمتين سوو فيني أشياء كثيرهـ

[نيكوتين]

والأمر الآخر أن الهدف في حال الكشف أو الستر: هو تحقيق مسألة الإيمان والدين، فالمرء قد يخطئ، والإنسان قد يهفو، وهو رجل صالح فاضل، فيختلي بامرأة لا تحل له، فهذا الستر عليه أولى مع الموعظة والنصح، ومع متابعة النصيحة بعد ذلك، فالستر عليه منك أولى، لكن لا تتركه على منكر، بل تنبهه إلى ذلك وتستر عليه، أما فاجر مجاهر معروف بالفجور فالحال معه يختلف.




شوف الكلام اللي باللون الأحمر .. حتى استدلالاتك واثباتاتك وقفت ضدك .. هو جاهر بالمعصيه .. لو انه ماخذها ويدورون بالسيارهـ كان محد درا عنهم .. لكن وين؟؟ بالسوق وبأكبر مجمع تجإآري في الريآإض .. هذا حقه اني أنا أمسكه وأدوس في بطنه هو واللي كانت معاهـ




على العموم اذا لم تجد مرونه في الحوار
وكل شخص يتشبث بما قال لن ينفع الحوار مهما طال .. وربما يصبح بيئه للخلاف ولتوسيع المساحات بين الاعضاء ..

وتكون النتائج عكسية في باقي الاقسام



أكيد كل شخص بيتشبث في وجهة نظرهـ الين الثاني يثبت بدليل قوي .. ولا خلاص تبغاني أرضخلك وأقولك ايه كان المفروض اني ما أعلم؟؟



في انتظآإر تعقيبك

[عازف المستحيل]

صباح الخير

وش احلى من الصباح اللي تقوم على نقاش مع نينو :)


هذا كلآإمك .. يومها ماسترت نفسها ليش أسترها أنا؟؟




منت مكلف بعيال الناس.......


بعدين انا قصدي ارد على كلامك يوم تقول تخيل انها اختك

سليمان يوم قال عن الستر وضح كول شيء عن الموضوع هذا


على كل حال وجهة نظر


عازف

[نيكوتين]

تعال أخوي عازف لاتروح وتنسحب


شوف ردي على أخوي تركواز على الدليل اللي جابه للشيخ سفر الحوالي .. الشيخ يقول انه اذا كان مجاهر بالمعصيه فالستر ليس أولى به .. وهذا مديتها في أكبر مجمّع تجآإري في الريآإض


في انتظار تعقيبك

[عازف المستحيل]

هلا نينو


ممكن أسألك سؤال بكل صراحة


ليش اسلوبك فيه حقد عليهم


هذا حقه اني أنا أمسكه وأدوس في بطنه هو واللي كانت معاهـ


و اسم الموضوع ؟؟؟


هذا أولا


ثانيا

هو جاهر بالمعصيه



من قالك انه مجاهر بالمعصية



هذا اصلا ما جاء السوق الا عشان ما ينقفط و تعرف حركات الشباب انت


هو ما راح عند العالم كلهم وقالهم يا ناس هذي خويتي


و بعدين يمكن انه خطيبها يمكن زوجها


و حتى لو خويها ما يعتبر مجاهر


شوف تفسير المجاهر صح

اللي يجاهر بالمعصية يعني يعلم الناس عن معصيته


هذا ما علم احد الا بالعكس اندس في سوق بين الناس عشان ما ينقفط هو و اياها


هذا ردي


عازف

[βąЪỷ ƒẫ๔é]

^^


نقة مهمة في توضيح معنى المجاهر



::



يسلمووو ابو داحم



:flo:

[معـ كلي ـاني]

:

والله الاخوآن شآدين النقآش وموضوع نآري والله ,, < جايب معاه كيس لحم ,, شوي هاه ,, ;hha:
<< جد الموضوع سآخن ,,

:

نقآشياً ع الموضوع ,, ما يبي له تحسس وحنآن وعطف ,, !
الستر زين ,, اكيد لكن لنآس ولنآس ,, !

الفتآة المتمردة ,, الي ما عندها مشكله تخآوي مليون ,, ! < هذي يبي لها بلاغ وفك الناس من شرها
ووين نسترها ومانسترها ,, ;hha: هي مفضوحه بفعآيلها ,,

الفتآة المترددة ,, الي تكون بتجآربها الاولى ,, بعد استحيآء وع رآبط الحيآء والحب ,, !
<< مشكلة المرآهقه وعدم الرقآبة ,, من الاهل يؤدي لهالاتجآه ,, قآبليني بالمكان الفلاني ,, !
وحصل هـ التقآبل ,, ! ويكون فيها المسك ,, هذي تحز بالخآطر ,, تحس ان القهر حليفها والحظ الردي
طريدهآ ,, لانها بتنهآن + تنرفض من المجتمع ككل ,, ولا رآح يحسب عليها حسآب انها تطلع لسوق
او لـ شقق ,, ! < هنا القهر انها رآح تجمع كل صفآت القبح ( بمجرد طلعت مطعم + سوق ) فقط ,,

:

والاخوآن هنا مع العآطفه ,, شآيفهم نآكرين العمل نكرآن ,,
فالمشكله ما تفرق بين البنت المتمردة و البنت المترددة ,, ! ;hha: فالله يعين ,,
ويعطيك ع قد نيتك ,, :flo:نينو

[طفلة الحب]

...
..
.

عندي سؤال

العائلة تنفضح وتصير على كل ألسان والبنت ماتخسر شرفها ..؟
أو العائلة تنفضح والبنت تخسر شرفها ...؟


أشوف الضيحة وارد حدوثها في كل حالها بلغت أو سكت ..!

يمكن أكون مع موقف أخوي نيو بس كان الأسلوب له دور ممكن ابلغ بس بسرية يعني الهيئة(وماتقصر االهيئة بالسرية في مثل هذا الأمر ولاتقولون العكس وتحطون في ذمتكم) تراقبهم لين خروجهم من المكان تخفيف الأمر لو أن الفضيحة قائمة لكن هدا الله الجميع



وماسبق وجهة نظري

[يابعد عيني والله]

انا أشوف ان البنت ما أحترمت أهلها
من البدايه وتواعد بعد
وربي حرام عليها اللي تسويه بالشيبه
وكيف بيكون موقف امها لو عرفت
الله يهديها
الشباب يطلع منها مثل الشعره من العجين
دائما برئ

[قـهوتي و زقـارتي]

الفتآة المتمردة ,, الي ما عندها مشكله تخآوي مليون ,, ! < هذي يبي لها بلاغ وفك الناس من شرها
ووين نسترها ومانسترها ,, ;hha: هي مفضوحه بفعآيلها ,,

الفتآة المترددة ,, الي تكون بتجآربها الاولى ,, بعد استحيآء وع رآبط الحيآء والحب ,, !
<< مشكلة المرآهقه وعدم الرقآبة ,, من الاهل يؤدي لهالاتجآه ,, قآبليني بالمكان الفلاني ,, !
وحصل هـ التقآبل ,, ! ويكون فيها المسك ,, هذي تحز بالخآطر ,, تحس ان القهر حليفها والحظ الردي
طريدهآ ,, لانها بتنهآن + تنرفض من المجتمع ككل ,, ولا رآح يحسب عليها حسآب انها تطلع لسوق
او لـ شقق ,, ! < هنا القهر انها رآح تجمع كل صفآت القبح ( بمجرد طلعت مطعم + سوق ) فقط ,,





كلي معاني ...

ماتلاحظ انك جايبها غلط ...

يبو مايصير ..

انا من وجهت نظري انه لا ضرر ولا ضرار ...

بالعربي انك تطلع مع خويتك وتتمشى وتتعشى <<<بقسم العوائل لاتفغر !!!

وبعدين تروح الكورنيش (لايمكنك مشاهده الروابط الا بعد الرج) عاد انت مواعد اخوياك تبي تكشخ وانت في بداية الكورنيش (لايمكنك مشاهده الروابط الا بعد الرج) واختك مع خويهها تعشوا ويتمشون في نهاية الكورنيش (لايمكنك مشاهده الروابط الا بعد الرج) وطبعا اكيد يبي يكشخ ...

^^^^

اللبيب بالاشارة يفهم ...


...............................


وبعدين يااخي وش فيها ما تطلع مو ممكن تتزوجها !!!<<<الاخ يسمع بالافلام الرومنسية .....


هذه وجهتي نظري لاكن للمعلومية .....


انا لاني مع نينو ولا مع الثانين ...

انا مع الحكومه<<يلعن ام القمطه ياشيخ


صاحب الامتياز

[نيكوتين]

ليش اسلوبك فيه حقد عليهم



لاحقد ولاشي .. اذا انت تشوف كذا علمني اش السبب؟؟





هذا اصلا ما جاء السوق الا عشان ما ينقفط و تعرف حركات الشباب انت



حبيبي .. أنا الحين بشرب بلآإك .. ومابي أبوي وأخواني يدرون .. طيّب .. بدخل بينهم أتخبى؟؟




و بعدين يمكن انه خطيبها يمكن زوجها




نسيت أرد على هالنقطه بس .. خطيبها يشتغل تبويس قدام الخلق؟؟ .. أجل يستآإهل الفضيحه .. والله لو انك في واشنطن ماسويت كذا !!

:flo:

[نيكوتين]

...
..
.

عندي سؤال

العائلة تنفضح وتصير على كل ألسان والبنت ماتخسر شرفها ..؟
أو العائلة تنفضح والبنت تخسر شرفها ...؟




ما أزيد على كلآإمك شي !!


:flo:

[نيكوتين]

انا أشوف ان البنت ما أحترمت أهلها
من البدايه وتواعد بعد
وربي حرام عليها اللي تسويه بالشيبه
وكيف بيكون موقف امها لو عرفت
الله يهديها
الشباب يطلع منها مثل الشعره من العجين
دائما برئ


نو كومنت :)


:flo:

[نيكوتين]

يبو مايصير ..

انا من وجهت نظري انه لا ضرر ولا ضرار ...

بالعربي انك تطلع مع خويتك وتتمشى وتتعشى <<<بقسم العوائل لاتفغر !!!

وبعدين تروح الكورنيش (لايمكنك مشاهده الروابط الا بعد الرج) عاد انت مواعد اخوياك تبي تكشخ وانت في بداية الكورنيش (لايمكنك مشاهده الروابط الا بعد الرج) واختك مع خويهها تعشوا ويتمشون في نهاية الكورنيش (لايمكنك مشاهده الروابط الا بعد الرج) وطبعا اكيد يبي يكشخ ...




حدد وجهة نظرك !!

:flo:

[فوٍضَوٍيْ]

متابع بصمت :cr:

[نيكوتين]

متابع بصمت :cr:


أي صمت بعد الفيس اللي حطيته (،

:flo:

[يابعد عيني والله]

هههههههه

شحقه لا تعليق!

[فمـ الجرح ـآآن$r]

الله يهدي بناآت و شباب الامه..من هالافكاآآر الغريبهـ..×_×
<<اقصد غربيييهـ
<<مآآخبرت انه شي عآآدي ان الوحده تطلع مع شاب.(00)
;hha:

:flo:

[الورده الشفافه]

انا مع اخوي نيو
اولا من ناحه الدين الامر بالمعروف والنهي عن المنكر واجب بس الله يهديهم شباب اليوم ماينتصحون يجلسون يستهزؤون فيك
ثانيا من ناحيه الستر هي جايبه نفسها الفضيحه اذا مافضحه الحين بتنفضح بعدين تنفضح بشي اعضم بعدين
ثالثا انا ماحب اخطي على احد بس اقول الي ضد كلامي وكلام نيو عادي عنده يسوي نفس حركه البنت والولد ولا وش مصلحته يدافع عنهم

[نيكوتين]

هههههههه

شحقه لا تعليق!


لأن كلامك عين الصواب بس

:flo:

[نيكوتين]

الله يهدي بناآت و شباب الامه..من هالافكاآآر الغريبهـ..×_×
<<اقصد غربيييهـ
<<مآآخبرت انه شي عآآدي ان الوحده تطلع مع شاب.(00)
;hha:

:flo:


كلآإمك 100%

:flo:

[نيكوتين]

انا مع اخوي نيو
اولا من ناحه الدين الامر بالمعروف والنهي عن المنكر واجب بس الله يهديهم شباب اليوم ماينتصحون يجلسون يستهزؤون فيك
ثانيا من ناحيه الستر هي جايبه نفسها الفضيحه اذا مافضحه الحين بتنفضح بعدين تنفضح بشي اعضم بعدين
ثالثا انا ماحب اخطي على احد بس اقول الي ضد كلامي وكلام نينو عادي عنده يسوي نفس حركه البنت والولد ولا وش مصلحته يدافع عنهم


وش بعد كلآإمك من كلآإم؟؟

:flo:

[βąЪỷ ƒẫ๔é]

لا حول ولا قوة الا بالله ,, يعني تبون تقنعوني انكم من ذاكـ اليوم وانتم تتناقشون على هـ القضيه


::



يقطع ابووها سالفة ;hha: ,, وربي لو انه اجتماع مجلس الامة العربيه كان أمداه يخلص ,, خلاص يا نيو
لا تنشبـها عاد ;hha: ,, كل رد وانت مقتبسه ,, ما يصير هـ الكلام



::



(?)

[مـعـانـد بـحـر]

^
^


تشوف انت ..؟!


أساس الموضوع مو نقاشي المشكلة ، ما يساعد إنك تناقش فيه

واحد شاف الحرامي يسرق وراح علّم الشرطة .. يلا تعالو نتناقش ؟!

نتناقش إيش .. يا جماعة الخير اللي يبي يروي مغامراته ينزلها في الأخبار إذا يشوف نفسه مهم

وإلا يحطها بالفله والوناسه علشان نطقطق ونضحك معاه ..

لكن اللي واضح انكم جالسين تدورون شئ تتناقشون فيه ..

عندكم موضوع معين .. نزلوه .. وتناقشوا فيه لو مية صفحة !!


مدري ليش أحس إني صاير بقسم الألعاب .. واحد يرد والثاني يقتبس ويعلّق ..

طيب مين فاز فيكم في الاخير ..؟! الفايز ياخذ جايزة ويروح ينام ..

ولا يفتح موضوع زي الناس ويخلي المجال مفتوح لنقاش جدّي ..



دام السالفة فيها فلم وقصو وسيناريو وحوار .. ليش ما كانت بالسينما ..؟! مو أحسن ..؟!










يُغلق