شعور الفتاه اذا راها الخاطب:وقال اسف ما عجبتيني

[المدفون]

كلنا نعلم ان الخاطب يجوز له ان ينظر الى الفتاة التي يريد خطبتها


والرسول صلى الله عليه وسلم يقول : (( انظر اليها فإنه أحرى ان يؤدم بينكما )) أي تدوم الموده بينكما ويعني الخاطب والمخطوبه .

السؤال الذي تبادر الى ذهني وأود من الجميع شباباً وشابات المشاركه فيه

ماهو موقف الفتاة اذا رآها الخطيب المنتظر الرؤية الشرعيه .. وبعد يومين او ثلاثة ايام تتصل ام الخاطب على والدة الخاطبه لتقول ان ابنها لم يوافق على البنت والزواج قسمه ونصيب .

ماهو شعور الفتاة في هذه اللحظه ؟
أنت أيها الشاب ماهو شعورك عندما أيضا يحصل لك هذا الامر؟

ارجوا المشاركه قدر الامكان وسرد قصص واقعيه في هذا الشأن اذا امكن .

[يابعد عيني والله]

أكيد شعور صعب البنت حيل حساسه
بس ع فكره هو مايجي يخطب الا اذا كان شايفها من الاول وعاجبته او سامع عنها
المحبه من الله حتى لو كانت ملكة جمال
احنا في الغالب كذا يصير لامحها واعجبته
وبعد البنت مو اي واحد يعجبها اهم شي الاخلاق والرجوله مايهمني الجمال لانه للحرمه أنا أفضل مايجي يخطب الا وهو مقتنع بنات الناس مو لعبه كلن يشوفهم
وماني مع البنت اللي تروح صالونه تتكشخ
يشوفني ع طبيعتي أحلى وربي مافيه أحلى من الطبيعه واحتمال يكون هذا سبب نفوره
اذا ماكان أكيد أعرف لك واحد طلق زوجته صباحية العرس بعد ماغسلت الميك آب
انصدم بقوه ورب البيت واقعيه آسفه طولت السالفه يسلمك ربك

[عــــذب الـصــفـــات]

والله الزواج قسمة ونصيب وبعدين عادي اذا ما عجبته يرفض بس لا يفلها..

الي يجي من الله حياه الله

ومشكور على الموضوع.

[• { آفـوٍق اْلـوٍصـف ≈]

يؤ يؤ فشلة ;hha:
وجهي يطيح لو انا قبلت فيه
بس اذا ما كانت ابيه من بدري فكه :f:
يعني من ربي جت

يسلموو على الموضوع

[تركــــوااز]

المفروض النظره تكون من دون علم البنت
هذا الي بالغالب يصير ..

يعني يكون من ورا باب .. او من ورا شباك
بس يكون بعلم اهلها طبعـــاً .. وبحضور اخوانها

عشان حتى لو ماعجبته .. ماتدري البنت
عشان ماتتحطم

وهذا الي عندي


شكرا اخوي على هيك موضوع

[ملكة الظلام]

ولا احيانآ الرفض مايجي من من الرجال او من البنت نفسها

لازم تدخل احد الطرفين

يعنى


تجي الام للولد وتقوله : ها ياوليدي

الولد : خلاص يمه تم

الام : بس يوليدي البنت شعرها خشن تعرج .... الخ اطلع عيوووب مو فيهاالمسكينه

وهل البنت بعد

يعني الولد وظيفته ماتوكل عيش راتبه ضعيف وهاااااااتو من العيبوب بعد

بس الشعور بكون ان الله رايد لنا كذا

[بقايا صمت]

يعني يكون من ورا باب .. او من ورا شباك







اخوي لنظره الشريعه لازم يشوف وجها ويديها او طرف رجلها عشان يعرف لون بشرتها


ومثل ما قلت اهلهم يكونون موجودين






اما بنسبه لشعورنا×_×



ااااه يا قلبي على البنت


اكيد بتندمر نفسيتها


ويمكن كل ما طردت عليها السالفه بتصيح


واذا طلع اللي ما يخاف ربه وراح قال حق اصدقائه اليوم رحت بيت فلان وشفت بنتهم تفشل اخوانها الرجال احلى منها


وبالعكس فيه رجال محترمين مايقولون ولا شي


وفيه بعضهم اذا سئلوه اهله ها شرايك وهي مو عجبته بس يكتفي بقوله مافيه نصيب

[شموٍخ آنسآن]

انا اللي اعرفه ان النظره الاولى تكون بدون علم البنت
ولو عجبته وجآء يخطبها يشوفها النظره الشرعيه

[تركــــوااز]

انا اللي اعرفه ان النظره الاولى تكون بدون علم البنت
ولو عجبته وجآء يخطبها يشوفها النظره الشرعيه

الله ينور عليك .. هذا الي انا اقصده يابقايا

[يابعد عيني والله]

‏<‏< غلط بدون علمها هي بعد تبي تشوفه
الدعوه مو فوضى احتمال اذا شافته هي اللي ترفضه وأنا قلت قبل كذا مفروض مايجي الا وهو يبغاها سوا شافها ولا أهم شي الحب واختياره هو مو اهله

[M i S s S h O o O]

يسلمووا على الموضوع....

[βąЪỷ ƒẫ๔é]

المفروض يكون فيه روح رياضيه عند البنت في حال ان الرجال رفضها بعد ما شافها ;hha:




:




والله من جد ,, له الحق يرفض ,, يمكن ما جازت له




:



سلمت يالغلا



موضوع فيه نقاشات كثير ,,



I well back


:flo:

[SHEVA]

الشرع قال كذا انه يجب يشوفها و اذا ما عجبته عادي الزواج قسمه ونصيب و البنت ما راح يصير فيها شي و لو كان بيصير فيها شي كان الشرع ما قال كذا ولن يصيبكم إلا ما كتب الله لكم

والله اعلم;hha:

[I am]

أنا أقول تقول في نفسها ... أخس يا ملك الجمال عاد هو ..!

[نيكوتين]

أنا أعتقد انو هالحركه تسير في مجتمعنا بنسبة 15% فقط لاغير .. ولكن أنا أقو انو مافيها شي لأنها نظرهـ شرعية طيب وليش البنت لما تشوف الرجال ممكن ترفضه .. يعني حلال للبنت ترفض والشاب لأ؟؟

[M i S s S h O o O]

شعور البنت شي حساس ويمكن تتعقد وطبعا هذا شي كاتبه الله والله الي كاتبه راح يصير يمكن ماجزتله ولاماحبها ولاشي ثاني.....يسلموووا على النقاش الجميل...