فــلانه محجوزه لـ فلان !!

[βąЪỷ ƒẫ๔é]

بسم الله الرحمن الرحيم

السلام عليكم ورحمة الله وبركاته


( الحبر يخلص وقضايا مجتمعنا ماتخلص )



نجي لقضيتنا ومحور حديثنا
( ياولدي بنحجز لك بنت فلان )
( يابنتي ترى ولد فلان حاجزك )
( فلانة محجوزة لفلان )

_ يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها

_ في يوم من الأيام شخص كان حاجز وحده من قريباته .. وطول حجزه لها يعني من يوم انهم صغار وهم يقولون فلان لفلانه وفلانه لفلان .. وبعد ما توظف تركها وقال انه مايبيها ..

ساءت الحاله بين العائلتين .. والبنت تورطت وراحت فيها حتي الخطاب مايدقون بابهم لأنهم يعرفون انها محجوزه لفلان وضاعت البنت مع ضياع هذا الحجز ..

_ بنت يتيمة وحيدة..حجزها عمها لولده ..لانه مايبغاها تطلع من العايله .. طيب ممكن البنت مو مناسبة للولد ..افكارهم غير ..شخصياتهم غير..لكن مين يسمع ..خلاص البنت محجوزة لفلان



قصص تبكي القلوب .. وأحلام تضيع في قرار
أمال وأمنيات تتبخر ..

بصراحة انا احس ان الحجز فيه ظلم للبنت
خصوصا ان الولد لو كبر وغير رايه ماهيتأثر
لكن البنت حساسة وهتتأثر
وفوق كل هذا معد بيجيها خطاب لانهم يعرفوا انها محجوزة لفلان

ممكن الشاب يتأثر لان اهله اختاروا له شريكة حياته
وحجوزها له ..

لكن البنت هي اللي هتتأثر اكثر



يخلص الحبر والكلام مايخلص

من المذنب .في هذا كله. الشاب , الشابه , الأهل , العادات والتقاليد ؟؟

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟
وانت ايها الشاب مارأيك في مسألة الحجز وان تكون محجوز لفتاة ؟؟
وهل هذا الشي موجود في عائلتكم ؟؟ وماموقفكم منه ؟؟

[بقايا صمت]

وهل هذا الشي موجود في عائلتكم ؟؟ وماموقفكم منه ؟؟





لالالالالالالا


والله لا يقوله هالشي يصير في عايلتنا



بصراحه انا اكره هالشي


ليه البنت خروف يحجزها الين تكبر وتسمن عشان يذبحها حق العيد


والله ناس متخلفه وعقولها عقول عصافير



والشرهه مو على الاهل الشرهه على العيال اللي يطاوعونهم

[marjooj ksa]

وسام المحبه ترى مو كل العواايل كذااا

يعطيك العافيه على الموضوع الحلووو تقبل مروري:flo:

[طفلة الحب]

من المذنب .في هذا كله. الشاب , الشابه , الأهل , العادات والتقاليد ؟؟
اشوف العادات والتقاليد وأضف اصحاب العقول المتحجره
ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟

الأهل والناس إلي تفرض نفسها غصب <<<ياحبي لها شوفوهم يلعبون مع بعض لايقين لبعض وبعده أنشبوهم مع بعض


اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟

وأنا مدركه للأمر يختلف للوضع لما أكون غير مدركه ولكل أمر أختياره الخاص



وهل هذا الشي موجود في عائلتكم ؟؟ وماموقفكم منه ؟؟
ايه موجوده لكن ماوصلت لي ^_^<<<<شكليي نجيت منها بإعجوبه
موقفي ارقب الأمر غن بعد وأتحمد
والصمت حكمة في مثل هالشيء


مشكور أخوي وسام لتسليطك الضوء على هذه القضية
لكن صوتنا قليل من يسمعه

[يابعد عيني والله]

الحمدلله مافي عائلتنا التخلف هذا
بس اسمع فيه بالجماعه من بعيد
الكرامه وين حشا مو بنت سياراي

عوافي وسام

[الورده الشفافه]

الحمد لله ما عندنا ها الشي
من المذنب .في هذا كله. الشاب , الشابه , الأهل , العادات والتقاليد ؟؟
الاهل لو هم فاهمين كان ما خلو بنتهم او ولدهم يروحون بداهيه علشان العادات والتقاليد
اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟
اذا كان الرجال اخلاق وما يفوت وواثقه انه مهب ساحب علي وافقت وان كان والله مايوخذ ولا ما اعرفه وشوله اخذه من الاول

[شُـمُۋخ عِــزّي]

الحمد لله دا الشي مو موجود في عيلتنا .. أحمدك يارب
وموقفي منو الرفض التام ..

و زي ما قالت بقايا صمت >> ليه البنت خروف يحجزها الين تكبر وتسمن عشان يذبحها حق العيد ..


تقبل مروري وسام

[I am]

أنا أشوف أن هالأمر غلط من رأسه لساسه و لله الحمد ماهو موجود عندنا لكن قد سمعت فيه ... لكن الشيء اللي يحير لو البنت رافضة معقولة ضعيفة شخصيتها حتى تسكت كل هالسنين ....!

ثانياً الشاب نفسه لو البنت ما تعجبه كيف تسمح له نفسه أن غيره يختار شريكة حياته ...




المهم الخطأ الأكبر على كبااااار السن و عادة والد الشاب و والد البنت و اللي في أغلب الحالات يكونون أخوان ...!



طبعاً حاله واحدة تنقض موضوعك كله يا وسام ... إذا كانوا هم أنفسهم يبون بعض و يحبون بعض منذ الطفولة وحتى يكبرون ... أم الحجز بكيف الأبوين و حسب الطلب فهذا أمر سيء وأستغرب وجوده ليومنا هذا ...!

[نيكوتين]

من المذنب .في هذا كله. الشاب , الشابه , الأهل , العادات والتقاليد ؟؟
الأهل

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
القرار للبنت والولد مو بايد الأهل

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟
أترك الجواب للبنات

وانت ايها الشاب مارأيك في مسألة الحجز وان تكون محجوز لفتاة ؟؟
ما أأيد هالحركه

وهل هذا الشي موجود في عائلتكم ؟؟ وماموقفكم منه ؟؟
الحمدلله هالشي غير متعارف فيه في عيلتنا

[Fars Najd]

مــمــيــز كــعــادتــكـ .. :flo:



من المذنب .في هذا كله. الشاب , الشابه , الأهل , العادات والتقاليد ؟؟


الاهــل و الــعــادات والــتــقــالــيــد



ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟




الـقـرار لـ الـولـد و الـبـنـت


وانت ايها الشاب مارأيك في مسألة الحجز وان تكون محجوز لفتاة ؟؟



بـالـطـبــع .. لا


وهل هذا الشي موجود في عائلتكم ؟؟ وماموقفكم منه ؟؟


لا .. ضــدهـ

[شكسبيـر]

وانت ايها الشاب مارأيك في مسألة الحجز وان تكون محجوز لفتاة ؟؟



انا طبعا ضد هذا الشيء لأني ارفض ان اكون سلعة تحجز و من جهة اخرى ارفض ان تكون شريكة حياتي

المستقبلية سلعة ايضا و ان تكون مجبورة على الزواج بي لأنه راح يكون بيننا حياة طويلة ان شاء الله .


و اذا ما بني عش الزوجية بـ اساس قوي و قاعدة متينة سوف تكون نهاية هذا العش بالتاكيد هي الزوال



وهل هذا الشي موجود في عائلتكم ؟؟ وماموقفكم منه ؟؟

الحمد لله هذا الشيء ليس له وجود بتاتا

وفي النهاية انا ضد مثل هذه الاشياء كما اسلفت سابقا

لأن هذه الاشياء مستقبل و قدر و لا يعلمها الا الله سبحانه و تعالى

[M.J.K]

آعـوذ بـ آلله من شـر هـذهـ آلعــآدآت الجـآهليـة ,
آلله يحمينــآ من شـرهـآ , يــآرب ويخلصنـآ منهـآ تمـآمـاً ,
مشكـور آخـوي , آنـآ آعتقـد هـذهـ آلعـآدآت مـوجودهـ عنـد البـدو خـآصة , وشكـراً ,